Өнөөдөр анх удаа хэлний мэдлэгээ хэрхэн сайжруулах талаар туршлагаасаа хуваалцъя аа. Хүн нэг хэлээ сайн сурсан байхад бусад хэлийг сурахад амархан гэж би хаяа хэлэх дуртай! Яагаад нэг хэлийг сайн эзэмшсэн байхад бусад хэлийг сурахад амархан бэ гэж үү?
- Өөрийн төрсөн өссөн нутгийнхаа хэлнийхээ мэдлэгийг сайжруулахын тулд та сургуульд ямар зам туулсанаа хураангуйлаад боддоо, нэмээд өдөр тутмын хэрэглээ. Мхм, тэр чинь л, 😉. Юм сурах хийх өөрийн гэсэн арга барилтай, журамтай, зарчимтай байх нь амжилтад хурдан хүрэх таны зам бөгөөд цагийг тань мөн хэмнэх болно. Хүүхэд ба залуу байхдаа сурахаас гадна цагаа хөгжилтэй сайхан өнгөрүүлээсэй л гэж бусдад, бүгдэд хүсдэгдээ,😎🤩🥳.
Хэн сургуульдаа хичээл дээр анхааралтай оролцоод гэрийн даалгавараа цагт нь хийж сурсан нь бусад амьдралын асуудлыг амархан давах ба чөлөөт цагийг хангалттай олзворлоно. Сурч, ойлгож эхлэхээр л асуултууд ургадаг гэдгийг мэдэхэд илүүдэхгүй.
Төлөвлө, турш, хий, сайжруул гээд нэг тасралтгүй тойрогт оруулчих, тэгвэл гайгүй болох найдвар маш өндөр байна
Тэгэхээр монгол хэлээ сурахдаа хэрэглэсэн арга барилаа би гадаад хэл сурахад хэрхэн ашигласан нь:
- Сайн дүрмийн ном олох
- Сайн дүрэм давтах хариутай даалгавартай ном олох
- Сайн тайлбар толь, адилхан хэл дээр (Жишээ нь: Монгол бол монгол, англи бол англи хэл дээр хэлний тайлбар толь)
- Орой болгон 30 Минут мэдээ үзэж, мэдэхгүй үгээ газар дээр нь тайлбар тольноосоо тайлбарыг уншиж ойлгох
- Эхний жил тэр улсдаа хамгийн сайн гэгдэх ба хэлний хамгийн өндөр түвшинд мэргэжлийн үгээр бичигддэг сонинг захиалж унших (хамгийн том сонин?!)
- Өөрийн нутгийн талаархи мэдээлэлийг сурч/ сайжруулж байгаа хэл дээрээ бичих (реферат) = Бүхэл бүтэн улсын талаархи мэдээлэл гэдэг асар их мэдээлэл бөгөөд Википедиа дээрээс харьцуулаад эхлээд яаж бичих талаараа бүтцийг нь төлөвлөж болно.
- Найзууд ба нийлдэг хүмүүстэй болох ба орж, гарч дэмий, дэл сул ярьж сурах, дасгал хийх = таны бичсэн реферат чинь эхний ээлжинд хаанаас ирсэн ба анхан шатны яриа өдөх ба үргэлжлэн ярих боломжийг таньд маш хурдан олгоно.
- Өдөрт 5-10 Минут зөвхөн дүрэм давтах, мэдээж дасгалтай. Яагаад заавалчгүй хариутай ном бэ гэвэл, өөрөө шалгахад л амар гэж, хуулахдаа бус шүү дээ.
- Тус хэл дээрээ нэвтэрхий толь бичиг олж, зав гарвал л мэдэхгүй,сонирхсон чиглэлээрээ шагайж харж байх
- Тус хэл дээрээ уран зохиолын ном унших
- Бүх л асуудал дээр Тайлбар толь бичгээс дэлгэрүүлж ойлгож байх, анхандаа цаг орж буй мэт санагдах ч туршлагажсан үедээ та шинхлэх ухааны асуудал дээр хүртэл мэргэжлийн тайлбар тавихдаа хангалттай бэлтгэгдсэн байна
Цаг хэмнэе гэвэл худалдаж авах ба захиалах, мөнгө хэмнэе гэвэл номын санд байнга очиж ашиглаж байх. Дээрхи арга барилаар та сурвал хагас жилийн дараа олон улсын стандартын түвшний B2 -д хүрэх боломж бна. Энэ тэр нутгийн иргэн болоход шаардагддаг хэлний хамгийн доод түвшин гэж дуулсан юм байна (ажиллахад хангалттай гэж хамгийн гол нь үздэг байх). Жишээ нь Герман улсад ...
Дараахи зураг дээр хүн болгоны хэлдэг л асуудлуудыг жагсаажээ. Мэдээж сайн ажиглан өөртөө тохируулан ойлгон ашиглавал ашигтай зөвлөгөөнүүд байна. Харин хальт халтуурдвал хэзээ ч сайжрахгүй. Эхлээд өөрийн гэсэн суралцах арга барилаа олж авах хэрэгтэй. Тэгсэн цагт таньд сонирхсон бүхнээ сурсан хэлнүүд дээрээ суралцах, судлах, сонирхолтой шинэ ертөнц нээгдэх болно.
За, эхлээд монгол хэлний мэдлэгээ хэдүүлээ сайжруулъя, тийм ээ? Сайжруулахаас гадна гадаад хэлээ хажуугаар нь эхлэсэн ч болно.
Монгол хэлээ сайн сурсан уу!? Ок, тэгвэл ямар улсад суралцах, амьдрах сонирхолтой байгаагаа эхлээд жаахан судлаж үзээрэй! Сонирхол тань таньд их хүч өгч эрчимтэй сурах боломж олгоно. Таны л амьдрал шүү дээ,🤗.
IT-р суралцах ба яваандаа мэргэжил болон хобби, дэлгэрүүлэн ажил ба амьдралд тань салшгүй холбоотой зорилго болгох сонирхолтой бол хамгийн түрүүнд Англи хэл л маш сайн сур гэж зөвлөх байна. Яаж ч бодсон мэргэжлийн ихэнх ном, гарын авлага ба нийтлэлүүд Англи хэл дээр бичигдсэн байдаг.
Зөвхөн Монгол хэл дээр энэ хурдацтай хөгжилтэй мэргэжлийн чиглэлд надад бол эхлэнгүүтээ зодгоо тайлцантай адил санагдах байх, байнгын суралцаж, судлаж байх сонирхолтой болохоор, 😁.
