Яаж Програмчлах вэ гэж үү, мээдкүү😁 - Цуврал 2 - Виндовс

Сайн байцгаана уу? Би сайн, байж л байна. Амласан ёсоор, товч бичлэгүүд оруулна. Програм ба код бичих гэдэг нь бичиж, туршсанаар гүнзгийрдэг тул энд амархан ороход Линуксыг ашиглаж сурах нь чухал гэж урьд нь дурьдсан билээ. Яагаад гэвэл Виндовс шиг байнгынд асуудалгүй, олон тохиргоо шаардлагагүй тул, 😅.

Өнөөдрийн бичлэг Виндовс гэж нэрлэгдсэн ч энэ муу нэртийн талаар бага дурьдагдана. Хамгийн чухал нь git (гит) гэж юу вэ гэдэг асуултад хариулъя.

git гэж юу вэ?

Git нь файлууд болон төслийн (project or repository) бүтцийг удирдах, багаараа хамтран ажиллах, өөрчлөх боломжийг олгодог хяналтын систем (VCS = version controlling system) юм. Үүнийг 2005 онд Линукс цөм хөгжүүлэх BitKeeper хувилбарын хяналтын системийн лицензийг цуцалсны дараа Линус Торвалдс хөгжүүлсэн байна.

Git нь програм хангамж боловсруулахад хувилбарын хяналтын де факто стандарт бөгөөд Linux, Android, Eclipse зэрэг олон нээлттэй эхийн төслүүдэд ашиглагддаг. Энэ нь олон давуу талыг санал болгодог, тухайлбал:

• Тархсан архитектур: Хөгжүүлэгч бүр төвийн репозитортой синхрончлох боломжтой төслийн хувийн хуулбартай (ажлын хуулбар).
• Уян хатан байдал: Git нь төслийн олон хувилбар дээр олуулаа нэгэн зэрэг ажиллах, өөрчлөлтийг баримтжуулах боломжийг олгодог.
• Аюулгүй байдал: Git нь амлалтуудын бүрэн бүтэн байдал, жинхэнэ байдлыг баталгаажуулахын тулд криптографын хэшийг ашигладаг. Энэ нь өгөгдлийг хуурамчаар өөрчлөхгүй мөн алдагдахаас хамгаалдаг.
• Өргөтгөх чадвар: Git нь том төслүүдийг үр дүнтэй удирдах боломжтой бөгөөд том хөгжүүлэлтийн багуудад ч тохиромжтой.

Git нь олон төрлийн тушаал, функцуудыг санал болгодог, тухайлбал:

• Commits (өөрчилсөн баримт): Төсөлд оруулсан өөрчлөлтийн баримт
• Branches (салбарууд): Өөр өөр зорилгоор ашиглаж болох төслийн зэрэгцээ хувилбарууд.
• Pull or merge request (нэгтгэх, сайжруулах хүсэлт): Өөрчлөлтийг үндсэн санд оруулахаас өмнө хянан хэлэлцэх арга барил.
• Remote repositories (алсын хувилбарууд): Хөгжүүлэгчдийн ашиглаж болох төслийн өгөгдлийг хадгалах төвлөрсөн байршилууд.

Хамгийн өргөн хэрэглэгддэг Гит үйлчилгээний талбар эсвэл хөгжүүлэлтийн туслагчид гэвэл GitHub, Bitbucket, Gitlab, Visual Studio Team Services, Visual Studio Code (VSCode), Eclipse, Intellij Idea зэрэг олон хөгжүүлэлтийн орчин, хэрэглүүртэй нэгдсэн бөгөөд удирдлага, хамтын ажиллагааг хялбаршуулдаг. Би хувьдаа анхнаасаа л анх гарч ирсэнээс хойш Intellij Idea бүх ашиглах, ашигласан програмчлалын хэлнүүдэд ашиглаж ирсэн болно. Ажиллаж байсан компаниудын шаардлагын дагуу мэдээж бусдыг ашиглаж байсан ч, ми хувьд хамгийн сайн нь л гэж хэлэх байна (хэрвээ та Про бол,😎). Дөнгөж эхлэж байгаа хүмүүст VSCode-г ашиглаж сурахыг зөвлөх байна.

GitHub гэж юу вэ?

GitHub нь Git төслүүдээ алсын сервер дээр (эсвэл үүлэн дотор) байршуулах боломжийг олгодог бүтээгдэхүүн юм.

GitHub бол Git биш гэдгийг санах нь чухал. GitHub бол зүгээр л байршуулах үйлчилгээ юм. Bitbucket, Gitea, GitLab зэрэг GitHub-тэй ижил зүйлийг хийдэг хостинг үйлчилгээг санал болгодог өөр компаниуд байдаг.

Дүгнэлт

Гитийг ашиглаж сурсанаар та бид програм хөгжүүлэлтийн хамгийн чухал алхмыг хийлээ. Дараагийн постонд Гитийг хэрхэн Гитхабтай ашиглах талаар оруулъя. Ингэхэд түрүүчийн өгсөн даалгавруудыг 1 жилийн дотор амжуулсан байх гэж найднам,🤗🤓. Гитхаб дээр энэ долоо хоногт ми блогтой холбоотой Гит репозиторыг нээсэн бөгөөд тэнд ашиглагдсан код, техник ба технологийн тухай товч дурьдагдах болно. Англи хэлээ ядаж дунд түвшинд хүргэчихээд миний дурьдаж байгаа болгоныг гүүглэдэж уншаад, туршаад байвал хэзээ нэгэн цагт дэлхийн 1 компанид ажиллачихсан, амжилттай явна гэх магадлал байна, таньд, 👊😊.